Fjölkorna súrdeigsbrauð
- Ofnhiti
- 240 °C
Hráefni
- 1 kg mjöl (Spurningarmerkin eru höfundar; tegund mjöls er ekki tilgreind.)
- 150 g allskonar korn og fræ
- 650 g vatn, volgt
- 20 g salt
- 2 msk. hunang
- 200 g súrdeigsgrunnur
Aðferð
- Hrærið súrnum og hunanginu út í vatnið. Bætið mjölinu og korninu út í og blandið saman. Látið standa í 30 mínútur, bætið svo saltinu út í og hnoðið vel.
- Látið deigið hefast undir plasti í 4–5 klukkustundir og teygið það og brjótið saman nokkrum sinnum fyrstu 2 tímana.
- Mótið brauðið, setjið það í hefunarkörfu eða skál með hveitistráðu viskastykki og látið hefast í kæli yfir nótt.
- Hitið ofninn í 275°C með steypujárnspotti með loki inni í.
- Hvolfið brauðinu í heitan pottinn, setjið lokið á og inn í ofninn. Lækkið strax í 240°C og bakið í 25 mínútur.
- Takið lokið af og bakið í um 35 mínútur í viðbót.
- Látið brauðið kólna á grind áður en það er skorið.
Eins og hún skrifaði það
Fjölkorna súrdeigsbrauð.
1kg. mjöl ??— 150 gr. allsk. korn
650 gr. vatn — 20 gr. salt
2 msk. hunang — 200 gr. súr
275°C lækka strax í 240°C
í 25 mín. Taka lokið af
og baka í ca. 35 mín.